Посета на “Кондево”

Дел од учениците од четврта година, електротехничка и машинска струка, предводени од стручните наставници, Дејан Рунчев, Владо Арсов, Игор Милев и Даниел Ѓоргиевски денес ја посетија компанијата “Кондево”.

Во текот на шестчасовната посета(во две групи) тие имаа несекојдневна прилика и можност одблизу да го следат производствениот процес на проточни бојлери на метан, од производството на составни компоненти, контрола на квалитет до нивно составување и пакување. Исто така тие проследија и симулација на краен продукт.

“Кондево” работи за најголемите произведувачи како што се: Ariston, Bosch,Vaillant, Emas…Нашите ученици пројавија голем интерес и споделуваат позитивни импресии од денешната посета.По завршувањето на сите обврски околу училиштето, во јуни голем дел од нив ќе посетуваат платена пракса и ќе имаат можност веднаш да склучат договори за работа.

Во услови на светска економска криза СОУ”Коле Нехтенин” Штип грижата за своите ученици ја продолжува и по нивното излегување од училишните клупи преку посредување при нивното вработување.

Продолжуваме да инвестираме во нашите ученици и да го поттикнеме најдоброто во нив!

в.д.дир.Јованка Шалева

Leave a Reply

Your email address will not be published.