Патронен празник на СОУ “Коле Нехтенин”

Во пресрет на 23 Мај – Патрониот празник на СОУ„Коле Нехтенин“ – Штип, денес пред бистата на Никола Симон Ѓорѓиев-Нехтенин во училишниот двор претставници од Сојузот на борци, општина Штип, политичките партии, училиштето, положија цвеќе и му оддадоа достојна почит.
Она што денешниот ден го прави посебен е промоцијата на Монографијата ,,За тогаш кога денес ќе биде некогаш’’ – 75 години низ времето СОУ ,,Коле Нехтенин’’ Штип”.
Во присуство на Градоначалникот на Општина Штип г.Иван Јорданов, гости од повеќе општински институции, наставниците и учениците, пензионирани наставници и сите останати, за значењето на Монографијата зборуваа в.д.директорката Јованка Шалева, проф.Елизабета Протогерова, стручниот соработник Сузана Л.Ефтимова, проф. Деспина Р.Делипетрова и рецензентите Милена Ристова Михајлова и Ана Витанова Рингачева, професорки од Филолошкиот факултет при УГД.
За да биде чествувањето на патрониот празник збогатено со многу активности, музички точки, рецитал, изложба, прогласување победници од литературен конкурс, благодарници на ученици кои со свои активности дале придонес во афирмација на училиштето се погрижија проф. Драгана Љуботенска, Данче Тошева Сузана Арсова.
Честит патронен празник!